உங்களுக்குத் தெரியுமா ?
வேரித்தாஸ் நிகழ்ச்சிகளை டிஜிட்டல் தொழில் நுட்பத்தில் 24 மணிநேரமும், 7 நாட்களிலும் இணையத்தளத்திலும் அன்ராய்டு மொபைலிலும் கேட்கலாம். அன்ராய்டு மொபைல் பயன்பாட்டினைப் பதிவிறக்கம் செய்ய RVA MOBILEஎன டைப் செய்யவும்

திருச்சபை செய்திகள்

மாநில ஓய்வூதியத்திற்கு விண்ணப்பித்துள்ள இந்திய அருள்சகோதரிகள்
இந்தியாவின் கேரளா மாநிலத்திலுள்ள 10 மூத்த கத்தோலிக்க அருள்சகோதரிகள் அம்மாநிலம் வழங்கும் மாத ஓய்வூதியம் பெறுவதற்கு விண்ணப்பித்துள்ள சம்பவம் சர்ச்சையை ஏற்படுத்தியுள்ளது. இதனால். இத்தகைய அருள்சகோதரிகளை திருச்சபை போதுமான அளவுக்கு பராமரிக்கவில்லை என்ற குற்றச்சாட்டு எழுந்துள்ளது. இந்தியாவின் தென் பகுதியில் இருக்கும் கேரளா மாநிலத்தில் திருமணம் ஆகாத வயதான பெண்களுக்கு ஆயிரத்து நூறு ரூபாய் மாத ஓய்வூதியமாக வழங்கப்பட்டு வருகிறது. திருவனந்தபுரத்தில் வாழும் திருச்சி புனித அன்னாள் அருள்சகோதரிகளின் சபையை சேர்ந்த 10 அருள்சகோதரிகள் இந்த மாத ஓய்வூதியத்திற்கு விண்ணப்பம் செய்திருப்பதுதான் இப்போது சர்ச்சையை ஏற்படுத்தியுள்ளது. 60 வயதிற்கு மேலான லத்தீன் வழிபாட்டு முறையை சேர்ந்த அருள்சகோதரிகள் இந்த விண்ணப்பத்தை அளித்திருப்பது, அவர்கள் சரியாக பேணப்படவில்லை என்பதை உணர்த்துவதாக உள்ளூர் ஊடகங்கள் தகவல் வெளியிட்டுள்ளன.
See More
முன்னாள் போதை மருந்து அடிமைகளின் பாதங்களை கழுவிய கர்தினால் டேக்லா
கடந்த வாரம் பெரிய வியாழக்கிழமை நடைபெற்ற பாதங்கழுவும் சடங்கின்போது, மணிலாவின் கர்தினால் லுயிஸ் அன்டோனியோ டேக்லா முன்பு போதை மருந்துக்கு அடிமையாக இருந்தவர்கள், காவல்துறை அதிகாரிகள், நீதிமன்றத்திற்கு புறம்பாக கொல்லப்பட்வரின் தாய் ஆகியோரின் பாதங்களை கழுவி, துடைத்து, முத்தமிட்டுள்ளார். “இங்கு நாம் அடுத்தவரை தீர்ப்பிட வரவில்லை. ஆனால், இயேசு செய்ததை நினைவுகூர வந்துள்ளோம் என்று தெரிவித்த மணிலாவின் கர்தினால், அடுத்தவரை தீர்ப்பிடாமல். அனைவருமே பாவிகள் என்பதை நினைவில் வைத்திருக்க நினைவூட்டியுள்ளர். “நாமும் அவர்களை போன்றவர்களே” என்று கர்தினால் டேக்லா ஆண்டவரின் இராவுணவு திருப்பலி நினைவான பெரிய வியாழக்கிழமை திருப்பலியில் மறையுரை ஆற்றியபோது தெரிவித்தார். “இயேசு கழுவி சுத்தம் செய்ய வேண்டிய கறைபடிந்த பாதங்களை நாம் அனைவரும் கொண்டுள்ளோம்” என்று அவர் தெரிவித்தார். “நீங்களும் சென்று அவ்வாறே செய்யுங்கள்” என்று இயேசு போதித்த செயல்பாடுகளை அடையாளமாக நிறைவேற்றுவதே புனித வியாழக்கிழமை நடைபெறும் திருச்சடங்குகள்.
See More
அரசு நியமித்த ஆயருடன் திருப்பலி நிறைவேற்றிய வத்திக்கான் ஆதரவு சீன ஆயர்
2012 ஆம் ஆண்டு முதல் வீட்டுச்சிறையில் இருந்து வருகின்ற சீன ஆயர் ஒருவர் முதல் பொது திருப்பலியை அரசால் நியமிக்கப்பட்ட வத்திக்கானால் எற்கப்படாத ஆயர் ஒருவரோடு நிறைவேற்றியுள்ளார். வத்திக்கான் எற்றுகொண்ட ஷாங்காய் மறைமாவட்ட துணை ஆயர் ததேயுஸ் மா தாசின் என்பவர், ஆயர் வின்சென்ட் ட்சென் சிலுவோடு மின்தாங் பேராலயத்தில் இந்த திருப்பலியை நிறைவேற்றியுள்ளார். அந்த திருப்பலியின் தொடக்கத்தில் ஆயர் ததேயுஸ் மாவை பக்தர்களுக்கு அறிமுகப்படுத்திய ஆயர் ட்சென், பெரும் கைதட்டலோடு வரவேற்றது ஏப்ரல் 16 ஆம் நாள் விசேட் மறைமாவட்ட வலையக கணக்கில் பதிவிடப்பட்ட திருப்பலியின் அறிக்கை தெரிவிக்கிறது.
See More
உயிர்ப்பு திருவிழாவின்போது கத்தோலிக்கர்களுக்கு தொந்தரவு
வியட்நாமின் வட மேற்கில் சாதாரண ஆடையில் தங்களை “உள்ளூர் அதிகாரிகள் என்ற சொல்லி கொண்டு கத்தோலிக்க குடும்பத்தின் ஒரு வீட்டில் புகுந்தவர்கள், உயிர்ப்பு பெருவிழா திருப்பலியை நிறைவேற்ற தயாராகி கொண்டிருந்த அருள்தந்தை ஒருவரை தடுப்பு காவலில் எடுக்க முயற்சிகளை மேற்கொண்டனர். “உள்ளூர் அதிகாரிகள்” என்ற தங்களை அடையாளப்படுத்தி கொண்ட 20க்கு மேலான ஆண்களும் பெண்களும் லோய் நாய் மாகாணத்தின் முவோங் குவோங் நகரில் சுமா 100 கத்தோலிக்கர்களுக்கு உயிர்ப்பு பெருவிழா திருப்பலி நிறைவேற்ற இருந்த அருள்தந்தையை திருப்பலி நிறைவேற்றுவதில் இருந்து தடுக்க முற்பட்டனர். லாவோ சாய் பங்கை சேர்ந்த அருள்தந்தை பீட்டர் நகுயன் தின்க் தாயை உள்ளூர் கம்யூனிஸ்ட் கட்சியின் தலைமையகத்திற்கு கொண்டு செல்ல முயன்ற இந்த அதிகாரிகள் மக்களை உரக்க கத்தி, தள்ளிவிட்டதாக நேரில் பார்த்தவர்கள் கூறியுள்ளனர். பெண்கள் உள்பட பல கிறிஸ்தவர்கள் அருள்தந்தையை சூழ்ந்து கொண்டு அவரை கொண்டு செல்லாதபடி பாதுகாத்தனர். அந்த அதிகாரிகளின் அடையாள அட்டைகளையும், இந்த அருள்தந்தைக்க எதிரான அதிகார ஆவணங்களையும் கேட்டபோது, அந்த அதிகாரிகள் எதையும் காட்ட மறுத்துவிட்டனர். பின்னர் லாவோ சாய் பங்கின் அருள்தந்தை ஜோசப் நகுயன் வான் தான்க் மாகாண அதிகரிகளை தொடர்பு கொண்டு இதில் தலையிட கேட்டுகொண்ட பின்னர், அந்த உள்ளூர் அதிகாரிகள் வெளியேறிவிட்டனர். பின்னர் உயிர்ப்பு பெருவிழா திருப்பலி நன்றாகவே நடைபெற்றுள்ளது. உள்ளூர் அதிகாரிகள் அவர்களின் வாக்குறுதிகளை நிராகரித்துவிட்டு, கத்தோலிக்கர்களுக்கு உயிர்ப்பு பெருவிழாவின்போது தொந்தரவு வழங்கியுள்ளதாக குற்றஞ்சாட்டப்படுகின்றனர்.
See More
புனித வெள்ளி சடங்கில் அருள்சகோதரிகளுக்கு அடி, உதை
இந்தியாவின் தென் பகுதியிலுள்ள தமிழ் நாடு மாநிலத்தில் பொது நிலத்தில் நடத்தப்பட்ட புனித வெள்ளி சடங்குகள், காவல்துறை மற்றும் உள்ளூர் பொதுத்துறை அதிகாரிகளால் வலுக்கட்டாயமாக தடுத்து நிறுத்தப்பட்டுள்ளது. “அரசு அதிகாரிகள் புனித வெள்ளி சடங்குகளை பாதியில் நிறுத்திவிட்டனர். பீடத்தை கீழே தள்ளிவிட்டனர். அருள்சகோதரிகளை அடித்து உதைத்தனர்” என்று ஏப்ரல் 14 ஆம் நாள் இந்த சம்பவம் நடைபெற்ற சோகான்டி பங்கின் அருள்தந்தை மாசில்லாடைக்கலம் ஜேக்கப் தெரிவித்துள்ளார். இந்த மறைமாவட்டம் சென்னைக்கு அருகிலுள்ள செங்கல்பட்டு மறைமாவட்டத்தை சேர்ந்ததாகும். மாவட்ட வருவாய் துறை துணை அதிகாரியின் தலைமையில் காவல்துறையினர் உள்பட பல அதிகாரிகள் இந்த தாக்குதலை நடத்தியதாக சம்பவத்தை நேரில் பார்த்தவர்கள் தெரிவித்துள்ளனர்.
See More
யாழ் வடமராட்சியில் இரவு முழுவதும் பொலிஸார் குவிப்பு
யாழ். வடமராட்சி பகுதியில் இரு கும்பல்களுக்கு இடையில் ஏற்பட்ட மோதல் காரணமாக நேற்றைய தினம் பதற்ற நிலை உருவாகியது. பிறந்தநாள் கொண்டாட்டத்தின் போது இருவருக்கிடையில் ஏற்பட்ட கைகலப்பே இந்த குழுமோதலுக்கு காரணம் என பொலிஸார் தெரிவித்துள்ளனர். துன்னாலை பகுதியில் இடப்பெற்ற இந்த மோதல் காரணமாக பொலிஸார் குவிக்கப்பட்டதுடன் இரவு வேலைகளிலும் ரோந்து பணி­யில் ஈடுபடுத்தப்பட்டிருந்தனர். சுமார் 500 க்கும் மேற்பட்ட கண்­ணா­டி­ போத்­தல்­கள், கற்­கள் கூரிய ஆயுதங்களை பயன்படுத்தி இந்த இரு குழுக்களும் சில மணிநேரம் மோதிக்கொண்டதாக தெரிவிக்கப்படுகின்றது. தக­வல் வழங்­கப்­பட்­டு பொலிஸார் குறித்த பகுதிக்கு செல்வதற்கு முன்னரே மோதலில் ஈடுபட்டவர்கள் தப்பி ஓடியதாகவும் பொலிஸார் கூறியுள்ளனர். மேலும், அப்பகுதி முழுவதும் கண்­ணா­டி போத்­தல்­கள் உடைக்­கப்­பட்டு காணப்பட்டதுடன், அவற்றினை பொலி­ஸாரின் அறி­வு­றுத்­த­லில் நேற்­றி­ரவு சுத்தம் செய்­யும் பணி­களும் இடம்பெற்றன. இருப்பினும் இந்த குழு மோதலில் படுகாயமுற்ற 7 பேர் மந்­திகை வைத்­தி­ய­சா­லை­யில் அனுமதிக்கப்பட்டதாகவும், அதில் ஒரு­வர் மேல­திக சிகிச்­சைக்­காக யாழ்.போதனா வைத்­தி­ய­சா­லைக்கு மாற்றப்பட்டதாகவும் பொலிஸார் தெரிவித்துள்ளனர். இந்த சம்பவம் தொடர்பில் மேலதிக விசாரணைகளை மேற்கொண்டுவரும் பொலிஸார் சந்­தே­க­ந­பர்­களை கைது செய்யும் நடவடிக்கையில் ஈடுபட்டு வருகின்றனர்.
See More
தேவாலயம் செல்லும் பெரிய குழுவாக கத்தோலிக்கர்கள்
ஸ்காட்லாந்தில் தேவாலயம் செல்லும் பெரிய சபையினராக கத்தோலிக்கர்கள் உருவாகியுள்ளனர். 2016 ஸ்காட்லாந்து தேவாலய மக்கள்தொகை கணக்கெடுப்பு கத்தோலிக்கர்களும், ஸ்காட்லாந்து திருச்சபையும் 35 விழுக்காடு மக்கள் தேவாலயம் செல்லும் மக்களாக காட்டுகிறது. ஆனால், தற்போது இந்த கத்தோலிக்க மக்களின் எண்ணிக்கை பெருகி வருகிறது. தேவாலயத்திற்கு செல்கின்ற மக்களில் பிற திருச்சபைகளில் காணப்படுவது போன்ற வீழ்ச்சி ஸ்காட்லாந்து கத்தோலிக்க திருச்சபையில் காணப்படவில்லை.
See More
இஸ்லாமிய அரசு தாக்குதல்தாரியை மன்னித்துள்ள குருத்து ஞாயிறு மறைச்சாட்சியின் மனைவி
குருத்து ஞாயிறு அன்று எப்தின் இரு தேவாலயங்களில் நடத்தப்பட்ட இரட்டை குண்டு தாக்குதல்களில் கொல்லப்பட்ட ஒருவரின் மனைவி, இந்த தாக்குதலை நடத்திய இஸ்லாமிய அரசு தாக்குதல்தாரியை மன்னித்து விட்டதாக தெரிவித்திருக்கிறார். எகிப்திய தொலைக்காட்சியில் பேட்டியளித்தபோது, அவர் மன்னிப்பு அளித்துவிட்டதாக கூறப்படுகிறது. “இதனை செய்தவர் மீது எனக்கு கோபமில்லை. கடவுள் அவரை மன்னிப்பாராக என்ற கூறிக்கொள்கிறேன்” என்று அவர் தெரிவித்திருக்கிறார். “அவரை மன்னிக்க ஆண்டரிடம் கேட்கிறேன். இது சரியா அல்லது தவறா என்பதை அவர்களே சிந்தனை செய்ய முயலட்டும். நாங்களும் உங்களை மன்னிக்கிறோம்” என்று அவர் குறிப்பிட்டுள்ளார். அலெக்ஸாண்டிரியாவிலுள்ள புனித மார்க் தேவாலயத்திற்குள் குண்டுத்தாக்குதல் நடத்த வந்த தீவிரவாதியை தடுத்து நிறுத்தியபோது, இந்த பெண்மணியின் கணவர் இறந்துபோனார். அதற்கு மூன்று மணிநேரத்திறகு முன்னர் தான் தான்டா தேவாலயம் தாக்குதலுக்கு உள்ளாகியிருந்தது. மொத்தமாக 47 உயிர்கள் இந்த தாக்குதல்களில் பலியாகின. 2016 ஆம் ஆண்டு டிசம்பரில் இதேபோல இரண்டு காப்டிக் கத்தோலிக்க தேவாலயங்கள் இலக்கு வைத்து தாக்கப்பட்டன.
See More
துறவற வாழ்வு வேலை பெற்ற கத்தோலிக்க டீக்கன்
ஐரோப்பாவின் மத்திய பகுதியிலுள்ள கடைசி துறவிகளின் இல்லத்தில் வாழ்வதற்கான போட்டியில், விண்ணப்பிக்கப்பட்டிருந்த 50 பேரில் வெற்றிபெற்று சாதைனை படைத்திருக்கிறார் ஒரு கத்தோலிக்க டீக்கன். ஆஸ்திரியின் சிறியதொரு நகரத்தில் குன்றின் உச்சிக்கு ஓரத்தில் அமைந்திருக்கும் 350 ஆண்டு பழமையான துறவற இல்லத்தில் அவர் வாழும் வாயப்பை பெற்றிருக்கிறார். கிறிஸ்தவ நம்பிக்கை மற்றும் தங்களுக்குள் அமைதி காணும் ஒருவர் இங்கு வாழ தேவைப்படுவதாக வெளியான விளம்பரத்தை பார்த்து 58 வயதான ஸ்டான் வனுய்டிரசெட் பதிலளித்திருந்தார். இதற்கு முன்னர் இதில் தங்கியிருந்தவர் வியன்னாவில் எழுத்து பணி மேற்கொள்ள சென்றதால், இந்த இல்லம் காலியானது. இந்த விளம்பரத்தை பார்த்தவுடன் இந்த இல்லம் தான் வாழ்வதற்கானது என்று நம்பியதாக ஸ்டான் வனுய்டிரசெட் தெரிவித்திருக்கிறார்.
See More
இருளின் அல்ல ஒளியின் மக்களாய் இருங்கள் – கத்தோலிக்கர்களுக்கு அறிவுரை
கத்தோலிக்க அறக்கொடை அலுவலகத்திற்கு அருகில் 3 பேர் சுட்டுகொல்லப்பட்டதற்கு பின்னர், வெறுப்பு மற்றும் வெறுப்பாளர் மீதான சோதனையை நிராகரித்துவிட்டு இருளின் மக்களாக அல்ல, ஒளியின் மக்களாக வாழ கலிஃபோர்னியாவின் ஃபிரஸ்னோ மறைமாவட்டம் அதன் திருச்சபையினரை கேட்டுகொண்டுள்ளது. மீண்டும் இருள் நம்மை தொட்டுள்ளது. இந்த சோக சம்பவத்திற்கு எப்படி பதிலளிப்பது என்று குடும்பத்தினர். நண்பர்கள் அண்டை வீட்டுக்காரர்கள் மற்றும் பிற நல்ல மக்கள் அனைவரும் இப்போது முடிவு செய்ய வேண்டும் என்று அது தெரிவித்திருக்கிறது. இந்த மூன்று பேரில் இருவர் கத்தோலிக்க அறக்கொடை அலுவலகத்திற்கு அருகிலும், ஒருவர் அதன் வாகன நிறுத்துமிடத்திலும் வைத்து கொல்லப்பட்டது குறிப்பிடத்தக்கது.
See More